يا ليت بعض الصمت يحكي!
ليه الكلام يموت فجأة...؟!
يرسم لنا حيرة وشوق...
يا هل ترى مثلي يحس؟
مثلي يعذّبه البعاد!
شمــعي علشانه احـترق !
أشعل ورق...!!
ودّي أفرّح وردتي ... لي غاب عنها حسنها ،،
وأزهر بلوعتها الكتاب...!
اللي حضنها من سنين ...
ما عـــاد يسقيها عتــاب ...
~~***~~
صوتي ورا صوته لهث ..!
يخفي حنيـــن !
عاندت قلبي دقّتـــه ... لكن عبث!
ما أدري أغيب وأختفي...
ولا بنظرته اكتفي ؟!
مسكين قلب الّلي تعلّـــق بالغرام ...
ماتت حروفه في الكلام ،،
و عيّـــــا بخلّـــه يحتفي!!