البعد ينحت وسـط جــوفي والســوافي مـذهـله = والشوق جمرة ميسمه طاحت على الضلع القصير
يا ســـيدي درب الـغـــرام اللي بديناه ( ابـ / وله ) = خطير .. لـكـن قـل معـاي الله يتـمـمهـا بخير
يا من غرس لي في ضـلوع الشمس بذرة سنبله = وحصدت زرعه في ضـلوعي جمرتين ونفح كير
شف حالتي وانا ارقب إنـْك تصير راعي الأوله = لكن تعاندني ظروفي .. وأنت تبعد !! ما يصير
تذكــر اجــابه فـي عيونك تسـتـبـيـح الاســئله؟ = كــانت بـدايـه للجـنـون القــاسـي الحــلـو الـمـرير
مـا تذكــر انهــا كيـف كــانت حـايره متملـمـله = واجمع خـيـوط أطـرافـهـا وتـرف عـيـني ثم تـطـيـر
والله تعـبـت الـقـى اجــابه للســنـيـن المـقـبـله = والنفس تـرفض امس والحاضـرعبـوس ٍ قمطريـر
يا سـيـدي طـال الغياب .. طـالت سـنين البهذله = ما نام جــفـن ٍ للسـهـــر ... وابــرد ليالينا هـجـيـر
يا سـيــدي دام اللــيـــالي فـهـمــتــنــا المســـأله = فـاغرس صباحك في جبين الليل وعيون الضريـر
واللي بـيـنـبـت لا رويته من عــروقي باكــمـله = عــده حــلالـك بـس راع الله فـيـنـي والـضـمـيـر
والله عـيـوني خـايـفـه .. والقلب عنك مـا دله = فـيـها احـتـمـالات الــوداع اللي تـثـيـره يـالـمـثـيـر
تعــال لي جــيـتـك غــريب (ن).. رد وعـيـونـك هـله = خـذ مسـبحة شـوقي وعـطني نظرتين وريش طيـر