[عبدالرحمن الربيّع]

الرائع سالم بن جلعان ..


مساك الله بالخير يالغالي ..


والله انك بالفعل رائع وروعتك تكمن في هالنص الخيالي المدهش سلمت احاسيسك ..

قصيدة من اروع ما قرات لك وأروتني شعر ياشعر ..



البعد ينحت وسـط جوفـي والسوافـي مذهلـه
والشوق جمرة ميسمه طاحت على الضلع القصير

يا سيدي درب الغرام اللي بدينـاه ( ابـ/ ولـه )
خطير .. لكـن قـل معـاي الله يتممهـا بخيـر

يا من غرس لي في ضلوع الشمس بذرة سنبلـه
وحصدت زرعه في ضلوعي جمرتين ونفح كير

شف حالتي وانا ارقب إنْك تصير راعي الأولـه
لكن تعاندني ظروفي .. وأنت تبعد !! ما يصيـر

تذكـر اجابـه فـي عيونـك تستبيـح الاسئلـه؟
كانت بدايـه للجنـون القاسـي الحلـو المريـر

ما تذكـر انهـا كيـف كانـت حايـره متململـه
واجمع خيوط أطرافها وترف عينـي ثـم تطيـر

والله تعبـت القـى اجابـه للسنـيـن المقبـلـه
والنفس ترفض امس والحاضرعبوس ٍ قمطريـر

يا سيدي طال الغياب .. طالـت سنيـن البهذلـه
ما نام جفن ٍ للسهـر ... وابـرد ليالينـا هجيـر

يـا سيـدي دام الليـالـي فهمتـنـا المسـألـه
فاغرس صباحك في جبين الليل وعيون الضرير

واللي بينبت لا رويتـه مـن عروقـي باكملـه
عـده حلالـك بـس راع الله فينـي والضميـر

والله عيوني خايفه .. والقلـب عنـك مـا دلـه
فيها احتمـالات الـوداع اللـي تثيـره يالمثيـر

تعال لي جيتك غريب (ن).. رد وعيونـك هلـه
خذ مسبحة شوقي وعطني نظرتين وريش طيـر


الله الله الله الله الله ...

صح لسانك مليون × مليون ولا يكفون يابعدي ..


تحياتي واعجابي الشديد .