[عبدالله الدواس]

0
0
0

بسم الله الذي لايضر مع إسمه شيء

وبعد أحبتي ..

لاجديد كالعادة .. ولكن .. :

(( الحياة مدرسة )) ..

0
0
0

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
0
0
0
0
0
0

زعق في متسع صدري من الدنيا رهيف إحساس...=ودنيت القلم والطرس لجل أترجم إحساسي
وانا اللي من عرفت العلم وعيوني مع الهوجاس...=ألين إن لانت الدنيا واعاسرها وانا قاسي
تضيق وكل ماضاقت علي أقول لا لاباس...=اجامل وابتسم واضحك ولكن مااعلن إفلاسي
بعد ماناوشت ظهري خناجر شلة الخناس...=عرفت إني وصلت اللي بغيت بوقتٍ قياسي
والايامسقي عروقي ترى ماكل راسٍ راس...=وانا أخبرك بخيصٍ بي وأخبرك تبخص براسي
عنيدٍ مابعثت الا المهابه في قلوب الناس...=تميمٍ عزوتي ربعي وأفاخر وأفخر بناسي
سقى الله ليلةٍ فيها عرف عبدالله الدواس...=قوانين الحياة اللي تحشم الخاين الخاسي
لقيت إن الرجل رجلٍ ولوهو يسكن بتكساس...=ولقيت إن النذل نذلٍ ولو رجليه تنباسي
لاابو ناسٍِ تحسب إن المراجل هندمه ولباس...=وأنا همي على فعلي ولا هوجست بلباسي
فقيرٍ ماولت كفي مداين من ذهب والماس...=ولكن مدتي مدت كريم وفعلي ألماسي
وقفت الزير يادنياً تراوغني مثل جساس...=وإلامني جلست أجلس متى ماطاب مجلاسي
عشقتك يالصعيب اللي إلا جيتك سمعت إضراس...=وألا ياموسعي لاجيت دوني تسجد لباسي
أنا من جيت والدنيا زخمها كاس يصفق كاس...=عرفت إن كل هاالدنيا هدفها ينكسر فاسي
تدق أجراس واغمَض وإلا قالوا تدق أجراس...=أقول الله يلهمني رزانة عقل يااجراسي
عزاي إن الطعون اللي لفتني من يد العساس...=وأنا رجلٍ نهار الكون واقف والنقاء ساسي
ورب البيت لو مالي مع أهل المرجله مجلاس...=لاأفرع حرٍ بصدري واسولف وأنفض أكياسي
ولكن مانسيت إني وأنا عبدالله الدواس...=أموت ولااحدٍ يدري وش اللي يجرح إحساسي

0
0
0
0
0
0
[/poet]

شعر /
(( .. ! عبدالله الدواس ! .. ))