[محمد العريني]

جن جنونها.. وراحت.. تصيح بصوتها .. مدري..؟؟!

................................... وقفت بحيرتي تايه .. اعوّد .. و الا اتبعها..؟؟!

عيون الناس من حولي .. و خلّي خطوته تجري..

................................... اخاف آمد بالخطوه .. تقول الناس : طاوعها..!!

و انا لي هيبةٍ فيهم .. و عند صغيرهم .. قدري..

................................... كبير .. و دايم اخباري .. يحب الكل يسمعها..

عزيز .. و ذلّه قليبه .. و حاله بالنظر .. مقري..

................................... نوى المسفار.. واحبابه.. زعلها.. ليه ودعها..؟!

خذتني عزة فيني .. و قت انساه .. من بدري..

................................... مدام الحـــب ذا حــاله .. يذل الناس .. بايــعها..

و بديت استرجع القوه .. و ارد الروح في صدري

................................... ومشيت بخطوةٍ .. يعني.. ثقيله.. مير اسرعها...

و فجأه .. شافت عيوني .. غزالٍ .. شوفته تغري..

................................... يقول:اللي يبي يسافر لديره .. كيف ضيّعها...؟؟!

وقفت.. وجن.. مجنوني .. وش اللي ياعرب يجري..؟!

................................... حسب علمي وانا مسافر.. وش اللي جاب شارعها..؟؟!



سمعتها بشريط و لا اعرف شاعرها...