[شير طلوا]

العزيز الخويطري

الله يمسيك بالخير




قصة البيت الذي ذكرت تختلف بكثير عن اللي اعرفه ومن شخص قريب جدا من مسلط بن شعيفان وهي ان احد ابنا عمه قال يا مسلط انت هبيل كل ما جاك فلوس ضيعتها او بما معناه انك ما تفكر في المستقبل والبيت يتيم ويبدو ان الابيات مبنيه على البيت الاصلي

قالو هبيال وجايزلي هبالي 0000000000هبال طيب ولاصحاوة رخامه

اما زعل الوليد عليه فيا كثر ما زعل ويا كثر مارضاه الوليد لانه على فكره رابي هو والوليد من الصغر
..

قصة هذه الابيات هو انهم كاانوا مجتمعين فسأل الوليد بن طلال مسلط من اطيب جدك ولا جدي ومن المعروف ان سبيع لهم دور كبير في فتح الرياااض .. رد عليه بن شعيفان وقاال جدك ونعم فيه لكن مارساه على الحكم الا جداااني.. بعدهاا زعل الوليد وقاال انت مهبووول وضجره في الكلالام .

.
اللي يعرف مسلط يعرف انه رجال عاقل وحكيم وما اتوقع ان يكون رده بالاسلوب هذا

والابيات اللي بنيت علي البيت حتى فيه من الاخطاء الشي الكثير الذي يدل على انها مبنيه بني لك عليه
أن جزت لك فأنا الرفيق الموالي "" وأن عفتني مسموح ومع السلامه
دور وتلـقـالـك رفــيــق بــدالــي "" وكـل يبـي رفقتـك تـرفـع مقـامـه


لاحظ معي في الشطر الثاني من البيت الاول وان عفتني مسموح ومع السلامه اللي زعل مسلط صح لاحظ اللي يقول مسموح منهو الزعلان يعني اللي يزعل يقول لم معزبه اسمحلي يا طويل العمر اللي يعطي السماح دايم المعزب فكيف يقول مسلط لم الوليد مسموح ومع السلامة

البيت الثاني وكل يبي رفقتك ترفع مقامه حشو في الشطر ماله داعي ولا له هدف طبعا كلامي يا عزيزي الخويطري للابيات فقط .


ضيدان يعرف ان البيت يتيم وفي الشريط اللي سمعته يقول اني سمعت البيت على ما اظن من ناصر ابو ثنين وسالته هل له تكمله قال لا هذا بيت لمسلط يتيم

بيــتٍ تمنيتـــــــه وهــــــو مـــــا ينــــــــــــالي = ودامــــه خطـــــف قبـــــلــي فـــلا لــي ملامـــــه

هذا والله اعلم


تقبل خالص الود والتقدير

اخوك

شير طلوا