[محمد الشهري]

السلام عليكم ورحمةالله وبركاته،،

أقدم لكم مصافحتي الأولى في مواسم، آملا ان تنال على رضاكم واستحسانكم ..
وتقبلوا تحياتي،،،

تماماً مثل هالصوره ..
عنيده ..
طيبه ..
عذبه ..

ملامح وجه محصوره ..
مابين الصدق ..
والكذبه

أحبك .. مثل ما أنتي..
لأنك ..
اكبر اعجوبه لعشاقك ..
تجين احيان مغتره ..
تجين احيان باخلاقك ..

غريب امرك وتفكيرك ..
إذا صنتك .. تجافيني ..
واذا خنتك مع غيرك ..
تحبيني ..
وانا محتار ..ما أدري
أخونك .. أو .. تجافيني؟

عجزت ادرك ألاعيبك *** عجزت أتفـهّـم اسلوبك ..
أنا إحــدى أكاذيـبك *** او اني بصدق محبوبك ..


يغيب البدر كم ليله ..
وعادي ما انطفى نورك ..
لانك شمس هالدنيا..
ونور الكون بحضورك ..

أنا مقصّـر .. إذا قللت من حقك
وقلت: انتي مجرد نور
وانا معذور ..لو بالغت في وصفك
وقلت: انتي بنية حور

أنا معذور ..
لاني بفطرتي عاشق ..
ومن صغري ..وانا صادق ..
تعلمت اعشقك واهواك من صغري ..
دريت ان الهـوى يغري..ولا يغري ..

تعلمت انك جروحي *** وانا والله مجنونك ..
واذا لجلك فانا روحي *** تروح لخاطر عيونك ..

يا اغرب كلما فيني ..
غرامي وعشقي لجرحك ..
وانا مدري عشان الجرح ..
أببكي ..منك .. أو اضحك؟؟

يا أعذب كلما فيك ..
إبتسامة ثغرك المملوح ..
يا أكذب كلما فيك ..
الدموع ..وقلبك المجروح ..
أنا لك قلب..
وانا لك عين ..
وانا لك رووووووح ...