[وتر]

مشـــاهـد

.
.

مشـى .. وهــدّ

.
.

هَــدّى .. ووقف

.
.

وقف وشاف بعض المشــاهد





المشهــد الأول


حبيبها شاعـر ..

كل القصايد فيهـا ولهـا

يابختهــا ..

بس وشفيهـا حزينــه .. ؟؟

ماتحمد النعمه اللي هي فيهــا .. !

سألتها وقالت

قالت ان بحياته ثانيـه

ثانيــه .. ؟!!

ايه ثانيه

بس يقول اني بقلبه وحيـده ..

وشلون

قالت .. يقول

لزوم القصيده الجديده .. !!

كيـف .. ؟

قالت .. يقول

كل قصايد الغزل .. فيّـه

بس قصيدته عن الخيانه

محتاج وحده تخون

وانا .. وفيّــه .. !!



* * *



المشهــد الثاني



يحبها ..

لا .. يموت فيها

ويموت لها

كل مافيها يهمّـه ..

وعليها يغار

ايه يغار

من الهوا اللي تشمّــه ..

له معاها

كذا سنـه

بنوا لهم سوى

بيت ..

لا .. جنّـه ..

جنّـه

بس في الخيال

واختاروا اسامي اولادهم

وقال

يبي اول بناته

على اسم "امّـه"

وفي يوم

حفر قبرها .. بهِمّـه

يوم قال لها

حبيبتي اموت فيك

بس الفراق

لابد منّـه .. !!

طيب ليـه

وش صار ؟؟

وحبنا ؟؟

الظاهر

توّه يتذكر

ان له عم

وان له بنت عم

وانه راح يتزوج

بنت عمّـه ... !!



***


مشهـد حــالم
(( حلــم ))


عشتك احلى حلم

احاول تحقيقه ..

حلم بنيته

ظنيته يصير واقع ..

اموت بفرقاك

وبعدي عنك ماتطيقه ..

وانكتب نفترق

وحلمنا غدى ضايع ..

ابعد ..

وتبتعد ..

وكل منا في طريقه ..

والشوق يجذبنا

شوقنا لارواحنا جامع ..

احس بخوف

والم

وعذاب

وضيقه ..

دنيا بدونك

كيف احياها واتابع ..؟

حلمنا ببيت يضمنا

واولاد ..

وحديقه ..

ومالقينا الا حيره

ووحده

ومدامع ..

كيف عيني تهتني بالنظر

ولو دقيقه ..

كيف يرتاح فكري

وليه المسامع .. ؟

دامك بعيد

يافرح قلبي

وياعشيقه ..

كيف اعيش .. ؟

وليه اسمع .. ؟

وليه اطالع .. ؟

عشتك احلى حلم

خنقته الحقيقه ..

عشتك احلى حلم

ماشوّهه الواقع .. !!



شكراً لمن تابع هذه المشاهد الى هنـا







تحياتي