احبائي
مساكم الله بالخير ..
كلمات اتمنى ان تنال رضاكم وحسن تلقيكم ..
التقينا
والتقت عيني بعينه
وأبتدينا
نذرف دموعٍ حزينه
قلت تدري في غيابك
أن ليلي ما هو ليل
كنت أقضّيه بعتابك
ليه تنوي بالرحيل
صرت أذكّّّره بعذابه
وكيف سوى الحزن فيني
وكيف سوى بي غيابه
جرّح أحساسي وحنيني
وبعد ما قلبي شكى له
وش حصل له وش جرى له
حارت الدمعه بعينه
وأبتدى يحكي ويقول
ما حصل بيني وبينه
والحكي شرحه يطول
قال من حقك تعاتب
وأنا أمري في يديك
وش هو الحل المناسب
وأنا كلّي أحتريك
تدري إني كنت أشكي
وما سمع صوتي أحد
تدري إني كنت أبكي
وما نشف دمعي أبد
قلت أنا ما فيه داعي
للعتاب وللزعل
دام أنا شفتك حبيبي
بأنسى كل اللي حصل
فجأه أمتدت يدينه
تمسح الدمعه الحزينه
وأعتلا الوجه ابتسامه
كانت أبلغ من كلامه
يتضح فيها غرامه
يرتسم فيها حنينه
والتقينا
والتقت عيني بعينه
وابتدينا
نمسح دموعٍ حزينه