|
.. o (( وداعـــــة الــــلــّـه )) o ..
.
الرجى يوجع ..
وضيق الوقت يوجع .. وإنت توجع !
سجيت رجلك .. و النوايا طليقــه
........................ والله يــسـهـلـهـــا على ما بغينـا
عندي حكي .. إصبر بأقولــه دقيقـــة
........................ وش معجلك .. دامه خــــلاص إنتهينا
ليــه الحزن غطـــا عيون الحقيقــة !
........................ وصرت أتخيـــلنـــا .. مثل مابدينا
شاعر .. وبنت .. ونظرتين .. وحديقـة
........................ وإحساس ينبت في مصافح يديــنـا
وأغصان مالت .. لي كتوف الخليقـة
........................ قالت : حبايب وإجلسوا .. وش علينا ؟
كانت هنــا ذكرى .. مشاعر عميقـة
........................ ( كانت ) .. وكل شي إنتهى .. مادرينا
تدري .. أحس إن آخر العمر .. ضيقة !
........................ وإني بأضل أذكر تفاصيـــل فينا
تكفى .. الجروح النايمة لا تفيقـه
........................ أخاف أصارخ .. وأزعج اللي نسينـا
وداعة الله .. ياليدين الرقيقـة
........................ والله مادري .. تذكر اللي حكينـا !!
سجيت رجلك .. والثواني طليقة
........................ والبعد .. سهلهــاعلى مابغينا
هي نهايتنا كذا ..
كلمة وداع .. وتمتمة بالنفس توجع !
.
.
اخر تعديل كان بواسطة » عبدالله البكر في يوم » 09-12-2004 عند الساعة » 15:41.
|