هذا المتصفح للقصص .. اخر الليـــــل فقط ..!
طريقنا نحو العوده يبدء من هنااااا 
بإنتظار مشاركات الجميع فالمتصفح خالي من الكوليسترول
كل ً يجيب قصته ويمحط به هنا ..!
بس من تأليفه
كان ياما كان
في قديم العصر و الاوان ..
كان فيه سلحفاة عميا
جرفتها المياه من غابتها القديمه الى غابه جديده
وهي وحيده ما تعرف احد .. في حالها تدور الستر بس
كل ما جت تقطع له جاده في الغابه طلعلها القرد وامتحن والديها ..
مره يحط في طريقها خنفساء عندها القولون
وتتلوى يعني ما فيه امل تتحرك عنها ..
ومره يحط في طرقها علبة قشطه توه مطقطق عليها هو ودشيره ..
ومره يجيك داعس على ظهر فرس النهر .. خبركم رجليه طواااال زي واحد من العيال
ويعركب لها ..!
المهم على ذا الحاله ..
يمزمز على شوفة هالعميا وهي منقلبه على ظهرها .. عاد وش هالظهر يا كافي
ويجيب بزارين السناجب و الفيران يقولهم سويت لكم بيت العبو لعن الله ابو من جمعكم
ومع مرور الايام
يا ساده يا كرام
قزّه التمســاح وهو ينكـّل بهالعميا ويبهذلها ..
ويتسحب لين وصل بيت الدب القطبي << متأثر بالبرد
والله ويقوله السالفه من طئطئ لسلام عليكم وإن هالقرد لو ما يعقل تراي
ابتدخل بطريقتي الخاصه يا دبببببببب ..
قاله الدب القطبي لا ابد امسحها في سري ان عاد تعودها أنا بروح اعتذر
من السلحفاه نيابه عن حيوانات الغابه بجميع اجناسها و أطيافها وحنا
غابه وحده وأمر القرد اتفاهم معاه ..!
راح الدب لم السلحفاة وطق ظهره طق طق طق قالت له من عند ظهري
قال انا الدب القطبي يا خاله .. ومار هي تطلع رقيبته من الذله
خايفه انه القرد مغير صوته !
تأكدت انه الدب يوم تحسست مواطيه ومار تطلع جسمه كله وتفسحل بنت الحلال
قالت له :
سم يا دبببببببب وش عندك نقدر نخدمك به ..
قال سلامتك يا خاله بس جانا علم ان القرد ملعوزك وحقك علينا ومالك
الا اللي يرضيك وانت سلحفاة لك ما لباقي الحيوانات من حقوق وعليك
ما على باقي الحيوانات من حقوق ..
قالت له حقوق ولا تجاره هئ هئ لا تواخذن يا دبببب <<< تنكت الماخوذه
قال لا ابد عادي ..
قالت له والله يا دب انه اشقاني بعمري ورزقي ما غير مستقصدني
بس جعل ربي يبلاه ببلا ما يقدر يقعد على حميرته منه
قال لا استغفري وهذا قرد ٍ طايش وباكر يعقل
قالت الا بلا ..
المهم هو يطلع من عنده الا القرد متكي فوق الشجره يمزمز زقيرته
قاله انزل ابحاكيك قاله اقول انقلع يا دب
مسوي لي فيها انك راعي مواقف حيوانيه وقلبك يعورك ..!
الله واكباااااااااااااار ما كنك قبل سنتين ترزز خشتك عند النعامه
لا شفته مدعستن راسه بالرمل
يا دب علينا الحركات هذي اقول ول بس ول لا اقعد اطفي هالزقاره
بعلباك عاد هالعلباء اللي ما فيه امل تخطيه
ومار يتتريق عليه القرد لين اصبح الصبح والعميا تسمعهم من وسط
صندقته ..!
قالت بأعلى صوته ما قلت لك يا دبببببببب هذا سربوت ولا ينفع معه الحكي
مار أسر لاهلك وملعون هالصلايب بيعاقبه ربه انشالله
قال القرد : اقول دخلي رويسك بصندقتك يا حلالي لا اقعد اتودسز
عساك تعرفين تزدين طريقك عشان تعرفين تسبين قرود الحمايل
وبعدها يصير اللي ما جاء على بال القرد ابد
للأسف انتهى الوقت المحدد
نكمل بكرا