يا قصيدي نخيتك لا تخيـب رجـاي = لا تخيب رجا اللي يرتجي منك خير
يا هجوس تطاولني و تسبق خطاي =قلت لعيونها واسل سيـف شطيـر
لجلها شيخة الشيخات دقيـت نـاي = واعسف القاف واقوده بسلك الحرير
دام بدر البدور اللي تنـور سمـاي = ويش لي بالنجوم وبالسراج المنير
ايه اجيلك واخلي كل عـذرا وراي = لا تسولف ترى مالك بقلبي خشيـر
كم احبك وحبـك غايتـي يامنـاي = اعذب الحب لا والله محبتـك غيـر
ياعيون تناظرني وتـروي ضمـاي = لا غديرك سراب ولا سرابك غديـر
لا تسمع كلام اللي تمنـا عمـاي = دامك الحب الاول والحبيب الاخيـر