[سعود بادي]

نفض رمشي نعاسة واعذرت في نومها الاحداق "=" وانا والله عيونـي بالسهـر ماكنـت ناويهـا
ذبل ورد الغرام اللي بصدري قاعـة الخفـاق "=" ونشف دم الليالي مـن عنى البعـد وتحريهـا
كفوفك يالسراب أضمت عروق ويبست الاوراق "=" صحى جمر الحقيقة والمشاعـر وش يهديهـا
عساني .. ماصغر بعينٍ لها ركب الغـلا .. ..ينسـاق "=" يصبحهـا مـن الشـوق وعبيـرة .. مايمسيهـا
عساني .. من غروب الشمس اليما حزت .. الاشراق "=" بكونـة .. نجمـةٍ تسهـر ليالـيـة .. وتضويـهـا
مدينة عشق .. يسكنها الغرام .. وعاصمـة عشـاق "=" انا في وسطهـا ساكـن وتسكنـي .. ضواحيهـا
تغيب الصيف عن جدة وشاطي ابحر الدفـاق "=" وتغيب اعن الوعي جدة مع ابحرها وشاطيهـا
وانا مالوم جدة قبلهـا كـم نشفـت الأريـاق "=" يسافـر قلبـي يصيـف واردد .. ياخطاويهـا
ثلاث شهور عدت والعـذر لغيابهـا سبـاق "=" وانا لولا الذي يشفـع لهـا ماجبـت طاريهـا
اردد ليت نزفي لاوقـع فـي سمعهـا تشتـاق "=" يجـي .. ناقـوس للذكـرى يـدق .. بمـا ينسيهـا
قبل لاينهدم .. حلـم القلـوب وتنتحـر .. اشـواق "=" قبل لايلفظ .. الصبـر النفـس ويبـان .. خافيهـا
لاني .. بعدها كنـي .. عراقيـا بـدون .. عـراق"=" بروحة مـن غرابيـل الزمـان الـي .. مكفيهـا
سلب منة الوطن باسم التحـرر كافـرا بـواق"=" علـى قسـوة لياليـة القديمـة راح يبكيـهـا
ياصدراً .. لو تضيق صدورهم ماكن .. صدرا ضاق "=" ويـازولٍ .. لوتغيـب ازوالهـم مانـي .. بشاكيهـا
سجينك جنتة سجنـك وفكـرة يمكـم سـراق "=" يلومون المشاعر والمشاعـر عنـد داعيهـا
تعال / نجرب الضحكة /عذاب البعـد / ماينطـاق"=" تعـال / بنفتـح الدنيـاء علـى الدنيـاء / ونحييهـا
تعال .. بخاطـري كلمـة تقـال لمثلنـا ( بعنـاق) "=" يروح ابها النفس لأقصى الضلوع .. وتستعر فيها
ابي زفرة من اعماقك .. ولك زفرة من الأعمـاق"=" عـروق الـدم مركبهـا وخفاقـك .. موانيـهـا
ابيك .. من الولة جنبي ابي قربٍ .. بـدون .. فـراق "=" ابي اللحظات بغيابي الـم واحـزان تقضيهـا