[نوف الثنيان]

تركتك ماهقيت ان البعـاد أهـون مـن الفرقـا..
وغافني خفوقـي لـك وحنّـا منتهيـن العـام...

وعقبك..لا المسا داكن ولا حتى السما زرقـا..!!
وحتى خافقي الشاعر توقـف مايجيـه إلهـام !!

غريبه كيف تكذب وأنت من جوف السحاب أنقى!!
ولو صدّق بك القاضي بليـا حلـف مـا ينـلام..

عسى من همت به بعدي يتعّّبك ومعـك يشقـا..
مدام إنّك حكمـت لقلبـي المطعـون بالإعـدام..

تذكّر يوم تحلف لي علـى عهـد الوفـا تبقـى؟؟
وأنا أدري ان البخت وياك -حتى بالغلط- ماقام !!

تذكّر يوم أخاف البعد..وأنـت تقول:ويـن ألقـى
مثيلك؟؟ ليتني مابعت لجلـك سالـف الأعـوام..

ياخاين شـوف جرحـك ماتـرك فينـي ولا بقّـا
وأنا لي جرح واحد منك (فيه من السيوف زحام)!!

تركتـك ماهقيـت إن الخفـوق تشبّـه الفرقـا..
واثر في القلب جذوه ولّعتني يوم دار العـام...!!

.
.
.
.
.
.

غريبه كيف تكذب وأنت من جوف السحاب أنقى!!
ولو صدّق بك القاضي بليـا حلـف مـا ينـلام..

عسى من همت به بعدي يتعّّبك ومعـك يشقـا..
مدام إنّك حكمـت لقلبـي المطعـون بالإعـدام..

.
.
.
.



المبدع / ابراهيم الرشود ..

من أول بيت إلى آخر بيت ..

شعرتُ بــ حلول فصل الوجوم .. مع أبيات مثقلة بالهموم !!

لــ يعمّ نقاء الشاعر .. والوفاء الذي لمسته هنا ..

حضور للألم / لــ الصدق ..لا يشبهه أي حضور .. !!


كل الأعجاب لــ كل هذا الأبداع ..