[عبدالرحمن الربيّع]

صبحكم الله بالخير ياجماعة الخير ..

احب اشكر اخوي ثامر على رده الجميل الوافي الكافي وانا معه في كل كلمه قالها ..

ثامر الشعيفان
المهم ما علينا منه أنا ما قصدت في ردي السابق تهميش القائمين على المجله أو التقليل من حقهم ومن جهودهم ... بالعكس أثنيت على ما كنت اراه جيداً وذكرت في آخر ردي بأنها لم تكن إلا البدايه فقط ... كما أن ابراهيم الرشود أحد المشاركين قال : (( إن الحلو ما يكمل )) يعني مهوب لا أنتقدنا شي أو أبدينا ملاحظات أو قلنا المجلة يجب ان تكون أفضل من ذلك معناه إننا ما نحب المجلة أو إن ولائنا مهوب لشعبيات أو إننا ما نقدّر !!

لكن أظن إن الموضوع وضع لطرح الآراء ومناقشتها لا المديح فقط ! ... وحينما قلت يكفي مجاملات قصدت : (( أن أوضح ان الموضوع مهوب بس للمديح وإنما لإبداء وجهات النظر ))

وانا اضم صوتي لصوته واقول بالفم المليان ما قصدنا بردودنا تهميش المجلة او المشاركين بها ابداً وانا ما قصدت الاشخاص كأشخاص وانا ماهو اول يوم لي بشعبيات علشان اخطي هالخطاء الكبير واهمش اخواني واخواتي المشرفين ..

واذا قلت جيد اعني جيد بالنسبة للبداية والعدد اللي بعده بيرتفع المستوى واقول جيد جدا وهلم جر ...

ولا اعتقد احد يرضى بان شخص يجي ويمدح والسلام وانتوا طلبتوا آراء وأنا قلت رأيي بصراحة ولا اذكر ابد اني قلت المجلة ما اعجبتني بل انا اكثر المتحمسين لها واتمنى من كل قلبي بأنها تطلع بأفضل شكل وهذي مجرد ملاحظات للعمل بها مستقبلا ..

وفعلاً عمل متعوب عليه وسنه كامله اذا جيت وقلت فيه كذا وكذا معناته اني قريت وتفحصت وقدرت اميز نقاط الضعف ولاهو ضروري يكون رأيي صحيح ويمكن اكون اخطيت وبالامكان تجاهل آرائي اذا هي ما تخدم العمل ..

عبدالرحمن الربيع

إقتباس »
المشاركين جيدين والمواضيع جيده ..

نواف الشمري

بالنسبه للمشاركين في المجله فلهم كل الشكر على تطوعهم بالمشاركه ..والمواضيع اعتقد انها متميزه جدا
ولايختلف اثنان على ذلك .. وهذا هو الاهم ..

اما بالنسبه لملاحظتك بان العدد قليل مقارنة بتاريخ شعبيات الحافل ..
اكرر نفس الكلام واقول ان من المستحيل ان نجمع كل مافي شعبيات وكل اعضاء شعبيات
وكل تاريخ شعبيات في عدد واحد .. يلزمنا قليلا من الصبر لنخرج بعمل ناجح يشار اليه ..
ان شاء الله ستكون الاعداد المقبله افضل ..

ياخوي نواف انا معك انه من المستحيل نجمع تاريخ شعبيات في عدد ولكن مافهمت قصدي بالضبط وكنت اقصد افتتاحية بسيطه يذكر فيها تاريخ شعبيات وكيف بدت فكرة شعبيات ويذكر فيها المؤسسين وبعض الاعضاء السابقين مثل على سبيل المثال بدوي في امريكا وراعي العنود رحمة الله عليه من باب الوفاء لأشخاص مازالوا يعيشون في ذاكرتنا ..

ومثل ما ذكرت انا منكم وفيكم واللي يسركم يسرني واللي يضركم يضرني وحنا قريبين من بعض واللي بخاطره شي يقول وانا على اتم الاستعداد لشرح وجهة نظري وبشكل مطول اذا حب ..

وكلنا هنا لخدمة هذا الصرح والله يعطيكم العافية على مابذلتوه وما تبذلونه لرفعة هذا الصرح الغالي على الجميع ...