.
.
هذهِ دره ثمينه مليئه بالابداع والروعه .
أحببت ان تشاركوني قراءتهاا ..!!
.
.
.
.
يوم هـب الحنين "وحادي القلب" صـاحك
.......................كـل سـاكن تحـرّك داخـلي مـن رحيلك
كني اللي "وقف عمره" بداية.. مراحك
................................كني العـابر اللي ماله الا.. سبيلك
كنت افكر.. قبل تـجتاحني, باجتياحك
.........................صارفكري شعيـبٍ ,وانـحدر فيه سيلك
بين عـدلك وميلك كنت اعـدد.. رماحك
.........................صرت أعـدد طعوني.. بين عدلك وميلك
كـل مـالمـني جـدك.. نثـرني مــزاحك
......................وكل ماضـعت بك.. كل ماقدرت أهتديلك
جيت أبزعـل عليك.. ورحت أدوّر سماحك
.........................يابعد عمري اللي راح لك, قبل اجيلك
صـب لي مـن "شـهاليل المحبـه" قـراحك
.......................ماعرفت الضـما.. قبل أرتوي سلسبيلك
اعـذر العـقل لامن الجـنون استبـاحك
.....................ماعشـقت الجنون ألا.. على شـان ليلك
ولاتلوم الظـلام اليا انـفهق عن صبـاحك
...........................انت شـمس "ظـلام الليل" يشبه جديلك
انت لوطـحت من عيـني "بقلبي" مطـاحك
........................كان ماشـالتك دنياي.. روحـي تشيلك
يمـكن ألـقى لي جـراح تـشابه جـراحك
.........................بس مارايـح ألقـى ياحبـيـبي مثـيلك
ماسجنتك لأجـل تطلـبني "أطلق سراحك"
.....................انت تسـجن قلوب "وقلب فيصـل "دخيلك
رحمة الله على اللي ماأنخفض له جناحك
.....................حتى لو "عـزّ نفسه" عنـك يبـقى ذليلك
لكن اللي تعب.. كانه تعب واستراحك
..................يكفي بـهاالحياة ان عاش فيها, قتيلك ..!!
للشاعر المبدع / فيصل بن طواله ..
تحياتي للجميع ..
احمد بن ديهان .
.