السلام عليكم ورحمة الله وبركاته:
أخواني مصافحتي الأولى أمام شموخكم أبيات خرجت سريعاً تتوارى أمامكم خجلاً فأقبلوها:
لو أبكتب بالحداثي وأكتب التفعيله = وأكتب الشعر الفصيح أقلد المتنبي
لوجمعت الشعر كله لين اسرًج خيله = الغزل والمدح باستثناء شعر السبي
والله أن تقصر حروفه دون نافل جيله = الغزال اللي على سلم العرب متربي
نوب يزعلني وقلبي بالغلا منحي له = كل نبضه في غرامه تبتهل وتلبي
أيه أحبه ثم أحبه بس مالي حيله = حيلتي تقصر وقلبي بالوله مشتبي
ماذبحني غير نجلٍ خلف طرق الشيله = لا لحظني بالنواعس ضاع مني لبي
كل ماهيدت ساعه فالمنام أخيله = وأن صحيت القى عيوني دمعها منصبي
عادت الأيام دايم بالوصال بخيله = قد شكى لوعاتها قبلي قتيل الحبي
والكلام الجرز عندي خير من تطويله = ياعسى حظي يساعدني واشوفه جنبي
بالشريعه مابها لفة ولاتحويله = مسلمٍ واعرف فروض الدين واخشى ربي
ولكم مني أزكى التحايا...