[بـندر العبدالكريم]

بداية


تحضر بحزن كونة قلبٍ أعياه الحب

وشموخ فارسةٍ لاتهاب , تحبس دمعها

رغم بروق المزن في عينيها , فتغضب

جميع نساء شعري ...!


.
.
.
.
.


الا انتِ ..

لا يجي في بالك اني

يوم ابنسى واتغير ..

الا انتِ ..

لا تروح افكارك

ابعيد وتحير ..

الا انتِ

والصدق انتِ

وانا كلي وضوح ..

والغلا فيني

كثر نبض الجروح ..

وين اروح ..!!

وليه اروح ..!!

دام كل الناس انتِ ..!

وكل هذا الكون انتِ ..!

ودام كل الأسئله

تبدا بك انتِ ..!

وكل حروف الأجوبه

تقراك انتِ ..!

ايه انتِ

ايه انتِ

ياللي ماعرف الفرح

إلا في لحظة تجين ..!!


.
.


أحتار بك ..!

واحتار لاجلك

واسألك ..!

ليه الكلام اذا كتبته

يكتبك ..!

ليه العيون اذا لمحتك

ترتبك ..!

ليه الهوى ..

يخجل من شفاتك

ويمكن يخجلِك ..!

يمكنه احساسي غلط ..

أو انها كلمه

بغيت اقولها ..

وخفت وخجلت ..

وقلت لك لا تزعلين

كانت رساله بالغلط ..!

وليتني أدري لمين ..!!


.
.


لا تسأليني عن غلاك ..

لا تسأليني ليه احبك ..

سولفي ..

اضحكي ..

لا تسكتين ..

علميني عن زعلك

وعن رضاك ..

وعن حبيبك ..

قوللي كل اللي تبين ..

واسألي عن كل شي ..

إلا عن أسباب حبك

طالبك ..

لا تسألين ...!!







نهايه ..




قبل النوم ..

في نفس هالموعد

كل يوم ..

أحكي لـ طيفك

كلمتين ..

واودعك

بدمعتين ..

والملم جروحي

واموت ..!