[زياد بن فهد]

مبدأ / لا شيء يشفع للغياب .. سوى الحضور

/


مدري ليه أحيان أحس ..
إني أنا سبة عذابك

ومدري ليه أحيان أحس ..
إني أنا آخر همومك

أو ورق منسي.. تركته .. يختنق داخل كتابك ..

أو عبير ينتشي لحظه ويضيع ..
ماسكن منك .. سوى آخر ثيابك
لو نزعته اختفيت ..

وانت تدري..

لو يغيب البعض منك .... غاب كلي وانتهيت..

والكلام يضيع في صدمة عتابك ..

وانكسر للدمع باب ..
اذكر انه كان بابك ..

ياحبيبي..

تكفى ارجع ..
مابقى للقلب حس..



/



انت تدري وش حضورك .. قبل تبدا في الغياب..!!

انت بوجودك ترى مابه حضور..
انته لوحدك ترى كل الحضور..

خلني أحيي الشعور..

وخلني حضن لحنينك..

اترك الدمعه تغنّي..
وخل أحزاني تهابك ..


/


ياحبيبي..
مدري ليه أحيان يقتلني حنيني..
أو أنا اللي اقتله ..

وآنا وش عاد بيديني؟؟
ضايعٍ بالدرب مدري وين آخر أوّله ..

هو أنا سبة عذابك ؟

والا أنا آخر همومك ؟

يمكن إني ماعرفتك ..

ويمكن إني ما أحس ..!!


/

منفذ / لا شيء أصعب من الحيره في كثرة الأحاسيس ...

بكل حب / زياد بن فهد ,