الاخوه والاخوات اهل شعبيات
الله يسعد كل ايامكم وكل اعوامكم يا عساها سعيده
وارجو المعذره على التقصير
زانة علوم الرجال اللي على جال ضو=والله يعز المواقف بانة ارجالها
لاصار في العلم علم وبان في الجو نو=ياجب على الرجل يعرف دقها واجلالها
وياهل العقول الفهيمه عارفين النحو=واهل الوجيه الكريمه طيبٍ فالها
جيت ومعي دلو اغرف من زلال الحَسو=واروي قلوب العطاشى صافي ازلالها
واحاول اذكر اللي للمواجب نسو= واهل العقول الفوارغ عزي الحالها
واخذ من اعلوم عالين المقام ان حكو=وازيد في بنك معرفتي من اقوالها
اللي بعذب المعاني في المجالس رقو=وامد يمناي للي ساق فنجالها
وقطعت عهدٍ ماخيّب هقوت اللي هقو=واهجر مجالس رجالٍ شانة افعالها
وحروف شعري فدا للي لعذبه قرو= محاولاتٍ تمثل فكر من قالها
واللي مع الخيل ياشقرا عسى مانجو=من حفرتٍ من حفرها طاح في احثالها