|
هلابك
السلام عليكم
هذي قصيده سبق ان شاركت بها في ساحة الاقلاع واحب ان اهديها لكم في هذا المنتدى واتمنى ان تحوز على رضاكم
هلابك لوتعاتبني هلابك ياعتاب احباب
............اعشقه لالفىمن واحدن يشره علىاحبابه
دخيل النبره العذبه دخيل السحر بالاهداب
.......... دخيل احلى تشراه(ن) يجي ممزوج باعتابه
دخيل الوجنتين اللي تداعب خافق(ن) ماتاب
........... دخيل البسمه اللي فعلها للقلب نهابه
دخيل احلى تغناج(ن) يداوي قلبي المنصاب
........... .. خطير انه يبين للعرب جرحه ويدرابه
دخيل احلى عذاب يواجه العاشق ليامن ذاب
........... .. لجل عين الحبيب اصبح يبي لذت تعذابه
دخيل احلى تواصيف(ن) لجت في شكلك الجذاب
............... وخلت نضرتي يمك لكل الناس جذابه
تخلي خاطرن ماوده انه ينتقي الاسباب
........... ولا تحرج خفوق(ن) لابغى يخفي من اسبابه
وذا ناوي علي تزعل لك الله وش بقى ماصاب
.........خفى قلب(ن) لجل عهد الوفى لك عقل اركابه
تريث وانتبه واعرف تراني عاشق(ن) ماهاب
............. ولاني اتبع المغفى ولااوقف على بابه
افضل اكتم الحرقه واشرف في سمى المرقاب
........... ولاقبل من معاصير الهوى تكثح لي ترابه
اعرفك ماتعرفين الطريق الموحش المرتاب
............... ولاتقدر على الفرقى ولاتحسن تغلابه
لذالك ياهوى بالي بلاش امن الصدى الكذاب
............... وخلك في حقيقت جوهرك باجمل تهذابه
ولامنك بغيت اتلومني باحلى جميل اعتاب
............. عتاب اللي يبي خله ولايقوى تغيابه
اقول اهلا وسهلا بالعتاب اللي يطق الباب
........ لاصار اللي يجيبه فضل العاشق على اقرابه
هلابك وان تعاتبني اجيلك بالوله طلاب
........ وشوقن قاضي(ن) وقته لجل عينك على اطلابه
وسلامتكم
اخوكم نبراس
|