|
رد : وحنا قوم هوّنا .. وحنا الـ لا وطاروقه
أخيلِك يا البروق اللي على العـارض لهـا رمّـاق
أشوفـك و الحيـا بيـنـي و بيـنـك يمنَـعَـه مُـوقَـه
رفيفـه لامـس أهـداب المـزون و شبّـهـا بَــرّاق
صـبـرت .. و لا لقـيـت الا رعــودٍ تلـحَـق بـروقــه
ألا يـا نجـد وش فــي دارك إلا صُـوقـة الـمـوّاق
و طيـرٍ هَـد بسبوقـه .. و طيـرٍ عِــذره إسبـوقـه
ألا يـا نجـد وش فـي دارك إلا صُوعَـة العشـاق
إلامن حَـب معشوقـه و إلامـن عَـاف معشوقـه
ألا يـا نجـد وش فـي دارك إلا نخلـة المـشـراق
حلوم الشايب اللـي لـو تمنّـى .. قـال ملحوقـه
ألا يـا نجـد وش فــي دارك إلا سـومـة الـبـواق
و شيـخٍ لـو رِكـع لَـلّـه .. عيـونـه لاحَـقَـت نُـوقـه
ألا يــا نـجـد وش فــي دارك إلا قُـولَـة إبطَـقّـاق
يطِق اللي زَعل فيها الجدار .. و تَتعَب إشقوقه
ألا يــا نـجـد وش فــي دارك إلا قَطـعَـة الأرزاق
تخاشَرنا صَحَن مَـرزوق .. اليـن تمُـوت مَرزوقـه
ألا يـا نـجـد وش فــي دارك إلا دَنــدَره و زعــاق
عِليمي وأشغَل الدنيا.. بخَمسَ أفكار مسروقه
ألا يـا نـجـد وش فــي دارك إلا لاق .. لا مــالاق
و حِنّـا .. قُـوم هَوّنـا .. و حِنّـا الـ( لا ) و طَـاروقـه
قَلَبنا البِشت و الغُتـره و باقـي نَقلـبَ المِعـلاق
صَلاةَ أَثنِين .. و إمصلّي .. ملا بالحِسد معلوقـه
بعِذرِك ياالمزونَ اللّي مَنَعتي دَمعِـك المِشتـاق
قُلـوبٍ مَـا غَسلهـا الله .. حَــرام تـشِّـد زِملـوقـه
من القصائد التي لا تُنسى
شعر أصيل يندر وجوده هذه الأيام
لله درك من شاعر
صح لسانك
تحية واحترام
|