30-03-2006, 06:27
|
#7
|
|
رد : ليه يطعني ؟
إقتباس:
الرسالة الأصلية كتبت بواسطة حمود الصهيبي
سيفي اللي كنت اعدة من عتادي = ان طعني بالظهر وش عاد ليه
كنت اعده من مصاقيلٍ حدادي=واحسب انه سيف عز في يديه
والله اني كنت غادي كنت غادي=يوم احسب لي تحت شذرته فيه
الغدر ماهو لنا سلم ومبادي=وزلة الرجال محسوبه عليه
قلت رايي حسب ضني واعتقادي =والخطى مردود والذمه بريه
لو شهرناها تفوز ابها العوادي=ولانجازي راعي السيه بسيه
صاحبي ماهي تراها شي عادي=عقب صارت سالفتنا سرمديه
الصبر محمود والحكمه تنادي=واختلاف الراي ما يفسد قضيه
نهدي التاية ليا من صار غادي =والجروح الداخلية داخليه
لاتدور للمشاكل والعنادي =شايلٍ خرجك واثر بالخرج حيه
زلتك عديتها كبوة جوادي =لا تزل وخل عنك العنجهية
غلطة الجاهل تراها شي عادي =وغلطة الشاطر كبر هضبة طميه
هية ياللي تعتبر رايك سدادي =لا توصيني ولا ابغى لك وصيه
والنهاية لا حياة لمن تنادي= لا ترجعنا العصور الجاهليه
|
.
صوت الحكمة .. / حمود الصهيبي ..
لم أستطع أقتباس بيت وترك الآخر ..
فهي كلها رائعة .. / مترابطة ولا تتجزأ ..
إعجابي الشديد
.
|
|
|