|
رد : مصافحة اولى ((سعودية واخاف الله))
السلام عليكم ورحمة الله وبركاته
بدايةً
اسمحوالي بهذا التوضيح..
ارجو منك السماح بتعديل قصيده لي؟؟
--------------------------------------------------------------------------------
السلام عليكم ورحمة الله وبركاته
اخ ثامر
1-ارجو من الله ان تكون بكل خير وصحه
2-شاكره لك بداية حسن تعاملك وحرصك على المنتدى
واريد بعد اذنك ان تعدل لي
قصيدتي في المنتدى فقط
(سعوديه واخاف الله..باقرب فرصة ممكنه اذا سمحت
امسح مكان القصيده ووضع مكانه بعد اذنك
كلامك غامض ولكن سهل حـلّه
**وخذ بعد السلام المحترم .. ردي
سعوديه انا يعني..اخاف الله!!!
**وجميعيّه..ترا يعني افي بوعدي!!
ونجديه .. حلايا صعبه تملـّه
مهو ايــة حلا لكن حلا نجدي..!
تــثق فيني لاني اتبع المله..,,..
**مهو حسب احتياجاتي يجي ودي!!!
اذا قلبك يخاف من الغلا ..قـلّه:
** (سعوديه) ترا يعني غلا وردي
اذا تبغى دلع تلقى الـدلع كله
**واذا تبغى حنان (اسكن دفا يدي)
واذا تبغى وفــا ما يخذلك ظله
**بتلقابي وفا (اوفى من الجندي)
ابي من دنيتي حقي وابوصله
**وباخذ ياغلا حقي بعرق جهدي
وابي من فارسي لامن نوى حـلّة
**يحط السيف بعد اسفاره بغمدي!
يحط قلبه على قلبي وانا خـلـه
**باحط قلبي على قلبه وذا وعدي
احب الصدق واحيابه (ولا اادله)
**طريق(يظن به يجدي ولا يجدي) !
واذا ظنك فؤادي خاينٍ خــلـه!!
**انا (مااخدع) ولكن ذا معك حدي!!
انا وش لي بشخص يحرّف الزلـّه..
**من اتغلى .. الى اخلف معه عهدي !
سـؤالك غـامض ولكن فـشل ظله
**(بحجب شعاع شكك) في صدق ودي
((سعوديـه انا )) يعني اخاف الله..!
**ونجدية كذا يعني ..((افي بوعدي))!
و(جميعية تـثـق فـيني) بلا علـّه..
**ذكيـّه ووافيه وصدقي..سهم ضدي!!
وشاكره لك...قراءتك للرساله
اختك:
مي بنت عبدالرحمن
فقط..لمن اثاره الفضول..حول تواجد اسم ثامر الشعيفان والتعديل تحت قصيدتي المتواضعه
تحية..يملاؤها محبة..
بنت عبدالرحمن
|