السلام عليكم ورحمة الله وبركاته ...
صباحكم ورد ....
مصافحة أولى متواضعة .... أتمنى أن تصل الى رقي ذائقتكم ..
..... سواليف عشاق ....
سر ياقلم واكتب على بيض الأوراق=إحساس قلبٍ من عنا البعد مخنوق
يسري مع الهاجس ليا لاح براق=ويجر باحزانه مواويل وطروق
كنت أحسب إن الليل يقفي بالاشراق=لكن ليلي طال ماجاني شروق
أنا أشهد إن البعد قاسي وحراق=همٍ وضيقة بال والفكر مسروق
في غيبتك هالكون ياصاحبي ضاق=شف نظرتي تكفيك عن كل منطوق
الحزن في عيني مع نار الاشواق=والقلب عقبك ياهوى القلب محروق
ليت الذي قدر مع حبنا فراق=يكتب لنا وصلٍ ويرقا بنا فوق
عزالله إني يالغلا حيل مشتاق=وان مت والله ماذبحني سوى الشوق
لاصار حبك ساكنٍ وسط الأعماق=كنه معي ياغاية الروح مخلوق
ماهو على قولة سواليف عشاق=ولا هو تسلي باسم عاشق ومعشوق
إي والله أحبك بها القلب خفاق=والحب يسري في شرايين وعروق
إي والله أحبك غلا ماهو نفاق=وإي والله إني بالهوى صرت مصفوق
أسري مع الهاجس ليا لاح براق=وأجر باحزاني مواويل وطروق
واسطر شعوري على بيض الاوراق=إحساس عاشق من عنا البعد مخنوق
:
:
مع أطيب التحايا