[نمرالعتيبي]

الاخ سعود هلا والله ويامرحب ياسعود

مشاركه جميله ورايعه


وصح لسانك على ماقلت عزالله ماقصرت

يشرفني ان اسجل اعجابي



الفاتنه ساقت خطاها لين جت فااعلى الضمير
= قلت انزلي من خافقي قالت هذا هو مدهلي
قلت انزلي مالي ومال العشق والحال المرير
=العشق جنّن قيس قبلي فالزمان الجاهلي
قالت تهاب العشق وانته في ربى العمر الصغير
=كم واحدٍ قبلك تعنّالي وساق الجاه الي
ان كان قلبك ساكنه غيري تراني باستخير
=وان كان ماحدٍ ساكنه ليتك تنشّد عن هلي
قلت ارفقي ياساتره ورده بديباج وحرير
=ياام العيون الناعسه منطوقك اثقل كاهلي
كانك بهرجك صادقه يالله عسى مقسوم خير
=قولي لي انك صادقه ولباقي الامر ازهلي
وان كان قصدك تلعبين بخافقي لعب الغرير
= انا لياذالحين عقلي ماتضاعف لجهلي
قالت وهي عنّابها مضموم والنظره غدير
=اي والله اني صادقه عسى غديرك ماه الي
قلت ابشري يافاتنه مسكنك في عال الضمير
= انا خفوقي مدهلك وانتي خفوقك مدهلي




لك مني اجمل واعطر التحايا يا سعود










اخوك



نمر العتيبي