اخواني واخواتي اعضاء هذا الصرح الشامخ
السلام عليكم ورحمة الله وبركاته
قصيده متواضعه راجيا من المولى الكريم ان تصل الى ذائقتكم الراقيه
الشعــر يركــب على شطرين = خلك مــــع المعــنى يا خلّـي
خيــرّك ربــي ما بيــن امرين = إمّّــا تبينـــي او ائــذن لــي
ماعرف اجي لك عـلى نصين = انا لا جيتـــك أجــــي كــلّـي
والعشــق لو ما ربـط قلبـين = ما ينفعـــــك خلّــه يـــولـّي
تسألني كيف اوصلك ومنيين = لـــو تبغى قربـي بتوصلـّي
تطلبــني اصبر ولـو يومين = ليه اصبــر ان كنت متغلـّي
ادري بتــزعل وطبعــك شين = تبغى الصراحه وتغفـر لـي؟
قمت اشعـــر انّك أبو وجهين =عاشـــق ولك قلب متخلي
تقبـــل ويقبــــل عـذاب البين = تقفـــي مروق ومتســـلـّي
مادمـــت عايـــش على نارين = وش لقـّــــفك؟ طالبك قلـّي
تلعب بقلـــبي علــى الحبلـين = ظالــــم وجاحد ومتعـــلـّي
لـو منخلـــق منْـك بـس اثنين = كان المخاليق ما تصلي
لانّــك مصيبــه على الجنسين = فتنـــه ماترحـم ولا تخـلـّي
وانــا خفوقـــي فتـــنـْه الزين = وابغاك تسمح وتأذن لي
لنّي ماعـــرف اعشقك نصين = ولنّــــي لاجيتك باجي كلـّي