كيف انساك؟
واشواقي تعبت تصرخ على ذكراك
والتاريخ
والعنوان
والصوره
وهذاك المنظر الحامي .. عجز لايغيب
كيف يغيب؟ وهو يدور قدامي!
وانا اتذكر
قساك الشامخ السامي على الغالين
وكيف تلين .. على شاني!!
واجرب قسوتك هالحين ..!!!!
كيف انسى
والتلميح
واغاني الصبح
والتصبيح
واحلامي
وبعض الشكوك اللي
كانت تشغلك فيني
يادلوعتي اسأل .. إذا كنتي تحبيني؟
وانا فبعض الظروف اخجل
وادور عذر واتعذر
واجلس ليلتي اجمع كلام من هنا وهناك
ادور بيت يصلح لك .. واستناك
وإذا طليت بكل ثقلك
اسولف لك
واسولف لك
واسولف لك
ترد تسأل
واتبعثر خجل و اسرح
هذاك البيت او الثاني؟!
والاقي كل بيوت الشعر ......... ماتصلح
واجمع كل طاقاتي
ابهمسلك إذا تسمح؟؟
(( الا يالغاليه قولي .. كلي لك
الا يالغاليه هاتي ))
..
ولا اتردد
انا احبك!
..
كيف انسى
مواعيد السهر بالليل وإذا دقت على .... وحده
وانا مشتاقه لك بالحيل ..... ولا ارسلت
وانا ملهوفه واتسائل .. وميعاد الفرح ذابل
ياربي ليش ماارسل!
ولا ازعل
واحط بينك وبين الظلم بحر فاصل
وإذا طولت ومر اليوم ورسالة موعدك ماجت
امني نفسي بالموعد اكيد بتاصل .. بتاصل
واقول بيرجع الغالي
إذا كان البطا عاجل
او ايام الفرح آجل
وكيف اقنع
اذا قالولي الساهين مااناضل لجل حبك ولا اجادل
وانه بعدنا عادل!
وانا اتذكر
صباحاتك بعد غيبه
تعذرلي بكل طيبه
وتبي اسمع طرب كاظم
واتبسم
واتبسم
واتبسم
(ابتسم هدي اعصابك
خلي راسك بين ايديا
وخذ بوسة صلح مني
كافي تدلل عليا)
.
.
.
بيلسان