[الجازي]

انا عاد مشكلتي مشكله

ماعندي مشكله اطلع اماكن عاليه
لكن المصيبه نزولها وهذي مشكله جديده بالنسبة لي
واللحين شغلي الشاغل في مجمعات السوق مثلاً أنه أول شي انبش على المصعد الكهربائي
أو على الأقل إذا طلعت درج كهربائي مستحيل انزل منه .. تكون الطلعه بالدرج والنزول من مصعد

جتى اتذكر مره , رحت عند ديموس محل اثاث في طريق الأمير عبدالله والدرج الكهربائي كان عالي وطويل مره ..
فطلعت عادي بثقه على أنه انا بانزل من المصعد .. تفاجأت انه مافيه
طبعا كانت مناحه هذاك اليوم الين مالقيت حل
خليتهم يقفلون الدرج الكهربائي النازل حتى حضرتي تنزل منه
ماباقي الاّ باقة ورد وتصير زفة عروس

يعني أنا كنت عادي وما أعاني من هالمشكله .. الاّ من سنه تقريبا ..
وما أتذكر أي موقف خلاني اخاف أو عندي رهبه من هالشي .. يعني فجأه وانا اختك

هذي حكايتي مع الزمان