رد : تكفا .. ترى تكفـا تـهزّ الرجاجيـل
تكفا .. تراها كلمـةٍ تقطـم الحيـل
000000000لا بالله الا تنسـف الحيـل نسـفـا
تكفا .. ماهـي لمعقبيـن الفناجيـل
000000000تكفا لصلف وعـادة القـرم صلفـا
تكفا .. ترى تكفا لها هـدرة السيـل
000000000في صدر حرًّ .. ينتف الطيـب نتفـا
تكفا .. ترى تكفا لها تسرج الخيـل
000000000إن كان لك باالخيل سرج ٍ و عسفـا
تكفـا .. تبيّـن كـلّ لاشٍ وحليـل
000000000تسمع لهـا بالصـدر هبـدٍ ورجفـا
تكفـا .. وتكفـا ماتسـاق لمهابيـل
000000000تكفا .. تخلـي القـرم لاشٍ وهطفـا
تكفا .. تجنّبني هـل القـال والقيـل
000000000مانيب من ينكـف علـى كـل ملفـا
تكفا .. تراني من قـروم ٍ مشاكيـل
000000000حمّاية الساقـه .. بسيـفٍ وشلفـا
تكفا .. ترى تكفـا تـذّل الرجاجيـل
000000000ولولا صروف الوقت ماقلت .. تكفـا
اااااالله للة درك يامحمد الدحيمي
صح لسانك وعلا شانك يامبدع
|