|
رد : [ احـاديث عفويه ..!] يا بحــــر..
وشفيك صاير يا بحر
اسود زراقك للظلام
ومبسمك طافي
خايف :
إلى حل السفر
تبدى تفضفض بالكلام
وتوجع اكتافي ..
لا تخااااف
انا حتى لو سمعتك
ببقى سترك
منتا اول كنت ستري
قبل تغويك الضفاف ...!؟
للوفا وجه الوضوح .. وعزّة ٍ مرتسمه
...........لو تعمـّدني زماني بـ الجـفا.. ما الومه
الجروح اشباه .. يـفرق بالنوايا وسمه
...........والنقـيض من الملامح .. جفـّلته عزومه
يا بحر .. جـيتك أدوّر للعـباير : نسمه
..........خوفي اليا طحت .. انسى وِجهتي وسلومه
بذمتي ما عاد تفرق من طعنّي وأسمه
............البلا بالخنجر اللي راغ .. يلعن يـومـه !
ليتني ما رحت اشوف لحادياتي قسمه
............دام .. ما فيني مكان ٍ .. يستحق هـمومه
يا بحـر .. والعلم عندك والحقايق دسمه
......... والحزن درب ٍ طويل .. وخطوة ٍ معـصومه !
المواني .. ما تبيـّن للمقفـّي .. رسـمه
...........الا كان انـّه : تحسـس .. فزّتـه ورسومه
يا بحر انت الغموض .. وشرهتي منقسمه
..........مثل قرص الشمس يحرق وجنته بسمومه
فاض لك قلبي سوالف .. استحيت احسمه !
.........خوفي ان الليـل يحرق وحدتي .. بقـدومه ؟
يا بحر .. كانك لقيت احد ٍ .. بقايا جسمه :
......... .يـلفظه موجك .. ودمّه عالق ٍ بـ هدومه !
قل لمن يسألك مات..! وشفّـته مبتسمه
........ ما درى إن الرساله اللي قرى مسمومه .!؟
ص.ع
.
.
|