أريد ابكي
على صدر الوجع لحظه
وانااااااااااااااااااااااام
تعبت اسوف الأحلام
تعب هالليل
يغطي بالألم حزني
وانا وجفني
نحاتي بالسهر بكره
وتجي فكره .. ورا فكره
ولكنها
تمر تتشابه الأيام
كثير الهم في قلبي
احاول أغسل اجروحي
بعض بوحي
وكم دمعه
ألم واحزان مجتمعه
واقول:
النفس لو تعبت
تموت بحزنها لكن
ترفض إنها تنضام
حتى الدمع يعاندني
يقسى ما يطاوعني
كثير انخاه
يكسرني .. ويحرقني
يفتت خافقي الموجوع
(ألا رفقاً .. كفى ظلماً)
ألا يا ادموعي الظلام
...........................................
تعبت اعزف
على نبضي
هموم الغير
وبعد هذا .. اشوف ظلي
عليه اغبار
وانا وكلي .. أسى ننهار
واقول:
عفواً على التقصير
عجزت اعرف
لهذا الهم .. أي تفسير
اشوف الحزن
يلبس باقي اثيابي
ولا يدق الفرح بابي
واقول يمكن
بعد هالليل
يجيني صبح .. يكون ابيض
واقول: يا رب
وانا احمل بقايا دهشتي والهم
غريبه اليوم
صباحي كيف صاير غير!
صباح الخير
أحلم به
واتوهم
واتألم
كيف أحلم
صباحي يبتدي بفرحه
واتفاءل
واقول: يا رب
عسى يبقى
صباحي دوم
يملا عالمي بالخير