[سلطان]

تكفين يالواحه نبى محمـد فطيـس
حتـى اتعلـم منـه مشاهديـنـه
الله يجيره مـن عيـون الأباليـس
الي على نظـم الشعـر حاسدينـه
لاكن ياهجسي تعوذ مـن ابليـس
واترك ردي القاف واجلب سمينـه
والشعر حكي يثير كل الحواسيـس
وكم شاعرآ سدد من الشعـر دينـه
الشعر بحر وفيه للعـرف تقييـس
وكلآ على ماقيـل عرفـه عوينـه
الشعر شبه كنوز تحمـاه حريـس
وكـلآ غـزى وده ينـول الثمينـه
احدآ يجي وايديه منهـا مفاليـس
واحدآ يجي منهـا محمـل يدينـه
وشاعر يلبس مقصد القاف تلبيـس
وشاعر تخبط ايسار قافـه يمينـه
وانا على ابياتي دروع ومتاريـس
سلحتها بعرفـي وصـارت ثمينـه
لاني بابو الطيب ولابامرؤ القيس
لاكن شاعـر مـن قبايـل جهينـه
تاريخنا يملا الكتـب والكراريـس
مجـدآ لنـا بسيوفنـا محتميـنـه
واليوم مثل البحر كل التضاريـس
متشابه الضلعان بارضـآ طمينـه
منها يلوف اهجوس قلبي هواجيس
والله ماذاقـت هنـا النـوم عينـه
لاهب من ريح الشمالـي نسانيـس
تقفي به الذكرى ونفسـه حزينـه
لاكن عزمي ما ارهبتـه الكوابيـس
وقلبي على الضيقه عزومه متينـه
ولاهمني وش صار خلف الكواليس
لانـي فهمـت الـدور يامثليـنـه
ماني معلـق قصدهـا بالدبابيـس
لو قيل بعض الناس ماهي فطينـه
ولو ينفع العميان ضـو الفوانيـس
تلقى البشـر بعيونهـا مستهينـه
واذا حصل بالعلـم لفـه تحويـس
تاتيـك بالعلـم الموكـد جهيـنـة


لماجد المرواني