إقتباس:
الرسالة الأصلية كتبت بواسطة سالم بن جلعان
محراب حلمي
حبيبي ذبلت أغصان الوصل وأستوحش العصفور = وقوس فراقنا مفلت على طير الغلا نبله
حبيبي والنوى ( غابة هموم ) يلفها الديجور = من اين يحلق العصفور شوك البين ينشب له
أخاف تغيب شمس الحب ورياح البعاد تثور = أخاف نضيِّع العصفور فيها ونتسبب له
يعاني قسوة الريح وجناحه بالنوى مكسور = يحاول يبتعد مالموت والموت يتقرب له
يدوّر غصن مورق بلله قطر الوفا المنثور = على صدر السهر والموت حول الغصن يرقب له
حبيبي والأماني في الحنايا تنتظر بالدور = تعال افتح لها جنة وصال ٍ ما أنعقد حبله
تعال اشتقت لك تاتي .. تعال عيون خلك ( دور) = تعال اسكن بها أنى شئت! هي لرضاك منجبله
تعال اسقي معك غصن الوصل ويفوح كنه الجور = تعال نخيل هتان الفرح ويبلنا وبله
تعبت وما تعبت اقطف لك أيامي ( فدتك ) زهور = وأبنها بأرض أعذب خيال ٍ شاقني نـُبله
تعبت ارقب تحت محراب حلمي لو بصيص النور= تعبت احسب مماتي قبل ! ولا أحضنك قبله ؟
ولكم ارق التحايا ... سالم بن جلعان |
الله
الله
الله
افتقدنا منذ مده ليست بالقصيره الى هذا النوع من القصائد واعدت الينا ما كنا نبحث عنه
في هذا النص الرائع 0
لك مني جزيل الشكر على ماكتبت
