[مسفر الدوسري]

لماء ورد قلوبكم،

	انتي نامي.. مو مهم انك رميتي.. قبل شوي جمرك بين جفون العين.. وبغفوة منامي! نامي.. لايهمك إن قلبي .. كان قبل شوي في مرمى سهامك وكان حبك متّقي.. ضربة سهامي! لا يهمك لو يموت قلبي على سدرة أمانك وفرحتي..وهديل حمامي! لايهمك صبحي المذبوح واحزاني وظلامي! انتي نامي.. لايهمك مُر بمراية كلامي لاعتب قلبي عليك لا.. ولا حنظل ملامي نامي بسم الله على حلمك من اشواك الأرق ومن عطش صحرا الورق ومن ألم فالقلب دامي. نامي.. لا يصحّي غفوتك صوت الضمير أو تقولي حزني منك "ربَّ حزنٍ" يقتل ابن آدم كذا.. من غير رامي! نامي ..ياللي.. من كتبت اسمك..محيت.. من نخيل الذاكره.. كل الأسامي! ومن رسمتك .. غيم في عمري وانا.. بموت..ظامي! نامي.. انتي ليلك يابعد عمري.. قصير أمّا ليلي.. في مدى عيني امتنامي يمدي لو بنام باكر ولاّ بعده ولاّ لما أطوي آخر.. صفحه في قصة هيامي. وانتي نامي تحْرسِك ملايكة شوقي وغرامي! وانتي .. انتي نامي..