[هبوب الشمال]

الأخوة/ اعضاء المنتدى صباح الخير

هذه المشاركة الأولى لنا معكم في هذا المنتدى الجميل وعسى ان تعجبكم

مشاركتنا :

ياعين صبي مثل صب السحابه
.......... وخلي دموع العين بالخد يسطون

علّه يشوف صويحبي ماجرابه
........... يمكن يحن القلب ياقيل مفتون

شاب الأمل والحزن باول شبابه
............. نرجي مناديب من الترف يلفون

والله لو حنا بعهد الصحابه
............. لازم يصير الوصل للترف مسنون

صارت سنين(...) كله تشابه
............. وجديده من الوقت لوعات وغبون

حسبي على اللي بالهوى صك بابه
.................. مدري جفا والا علينا يتغلّون

عيا يطيب بوسط قلبي صوابه
........... وحاولت انا النسيان لاشك وشلون

انساه واذكر لذتي في عِذابه
................ واقول هيهات الليالي ينسون

هيهات مع هيهات مثله يشابه
............... في جنس حوى نادر الصنف واللون

قولوا , له ان الروح قيمة خضابه
...................... في ليلة فيها لغيري يزفّون

العمر مره والليالي نهابه
............ والحب سلطانه على القلب ملعون

ياخو لطيفة هات منهم جوابه
................. اما هنا والا تعاسه المجنون