[صالح العبدالكريم]

من الأخير !؟ ان كان تغليني صحيح تكفى تكفى طالبك فكني من قول وشفي صوتك أو أسفل عيونك تنهّادة سواد أو نحف جسمك كل ما دبدبت زاد انا والله مو بلاي بنفسي إلاّ كل بلاي بأسألتك من صرت اسمعها فلا عيّنت خير ! يا شين صوتي منقطع وايديني للرحّل تصيح يا شين اشوف وجيههم قدّامي وما تبغى أطيح ! قاعد تبربر : الصقور صقور وأبرك لحملك تشيله وخلّك لحملك بعير وأعتبر ما طاف طاف وإن فالباقي كثير ! صدّعت في راسي عسى الله يصدّع براسك يعني بربك انا اوّل واحد تشوفه متضايق طب كل هالعالم تضايق يعني شسوي بنفسي اتحمّس وأطير !؟ بعلّمك حاجه من احزان الحقيقه إرم كل اللي سمعته بالمجالس واللي قريته بالكتب وأسمعني !؟ إن شفت لك شخص ٍ متعوّد يبلع همومه بصمت ويقلقه أحيان ريقه لاااا تسأله لاااا تسأله لاااا تسأله يمكن يغص بدمعه أكبر من كلامك الحزن يُبصر وإنت يا الفاهم ضرير !!