الله يسعد أيامكم " متواضعه " للتواصل معاكم أقبلوها كماهي :
الزمن عمر وأيام العمر معركه = وما أنتصر غير من وثّق بطيبه أصكوك
وعزة النفس عزٍ حي من يدركه = تغني الرجل عن تجريب ذولا وذوك
هي قناعه وكنزٍ ما تجي فبركه = يوم بعض الأوادم للمذله أبروك
ما حوتها صدور الضعف والشكشكه = وما حوتها صناديق الذهب والبنوك
عزتي للذي عاش الزمن صعلكه = يقضي العمر كله في رجاء أكفوف دوك
والرجل كل دربٍ لا صدفه أسلكه = شئ طبيعي إذا حوله تدور الشكوك
وكل راسٍ لا بد أن الزمن يهلكه =بس لطيب روس وللمراجل ملوك
روس عاشت بعز وروس متشربكه = شوف روس الصقور وشوف روس الديوك
وكان تبغى تعرف وضعي وتستدركه = أقر هالبيت أقره زين لا فض فوك
مثل وضع المليك اللي بلى مملكه = وبينه وبين ذاته من خيار الملوك
قاله اللي مداد الشعر مايتركه = كل ما قال دعني قال أنا مثل أخوك