[الجازي]

الرسالة الأصلية كتبت بواسطة النجــدية

بدري ! عسا منتب على الحب مغصوب ؟!
.......... وإلاّ نغزك الشوق .. ساعة تجلّي ؟!

وإلاّ إنتفض قلبك .. تبي تكسب ذنوب ؟!
.......... أو عينك اليمنى ترف .. و تهلّي؟!

أو خاطرك عقب البطا صار حبّوب ؟!
............ يومه تذكّر بعض ما صـاب كلّي

يللي تحسب الحب غالب ومغلوب
............. أو لعبةٍ فيها غموض .. و تسلّي!

دامك فطين وعندك أفكار وإسلوب !
.......... بسألك بالله وأنت فكر .. وقل لي ؟!

هو عقب صبر ايوب يوفيه عرقوب ؟!
.......... والا ان زرعنا الشوك ؟ نجنيه فلّي ؟!

أحدٍ غدى طيبه نقيصه و عذروب
.......... وأحدٍ يكابر كل ما أخطى و زلّي !

واللي هقا فعله عن الناس محجوب
.......... لا أثمر حصاده بين..عز(ن) و ذلّي

بانت .. عسا ربي يقدي لك دروب
............ قلبي على فاله .. و قلبك مغلّي !

.

النجـدية ..
بعد كل بيت .. أتوقف لآخذ نَفَس عميق..
منذ شعر طويل .. أجدني في متصفح موجع حد الصمت ..
بين أسئلة تجتر لحظات مؤلمة وإجابات حاسمة ..


لـ ترف الشعر .. والإحاسيس هنا عودة ..
.