[الجازي]

الرسالة الأصلية كتبت بواسطة النجــدية

بدري ! عسا منتب على الحب مغصوب ؟!
.......... وإلاّ نغزك الشوق .. ساعة تجلّي ؟!

وإلاّ إنتفض قلبك .. تبي تكسب ذنوب ؟!
.......... أو عينك اليمنى ترف .. و تهلّي؟!

أو خاطرك عقب البطا صار حبّوب ؟!
............ يومه تذكّر بعض ما صـاب كلّي

يللي تحسب الحب غالب ومغلوب
............. أو لعبةٍ فيها غموض .. و تسلّي!

دامك فطين وعندك أفكار وإسلوب !
.......... بسألك بالله وأنت فكر .. وقل لي ؟!

هو عقب صبر ايوب يوفيه عرقوب ؟!
.......... والا ان زرعنا الشوك ؟ نجنيه فلّي ؟!

أحدٍ غدى طيبه نقيصه و عذروب
.......... وأحدٍ يكابر كل ما أخطى و زلّي !

واللي هقا فعله عن الناس محجوب
.......... لا أثمر حصاده بين..عز(ن) و ذلّي

بانت .. عسا ربي يقدي لك دروب
............ قلبي على فاله .. و قلبك مغلّي !

من بدري ! إلى بانت ..
ترابط فكري .. وموضوعي وموفق جداً عند الأنتقال من بيت لآخر ..
وبطريقة منظمة ذهنياً .. تبعاً للإحاسيس المتسلسلة ..
من فعل ماضي إلى حاضر .. حسم النظرة المتعبة لـ كل المواقف ..

هي هكذا الحياة ..
يلزمنا الكثير من الصدمات لـ نتدرب على النسيان ..
نهنىء كل من تجاوزها ووصل إلى هذا القرار وهذه القناعة ..

النجدية ..
شاعره لاتستطيع أن تخفي إنسانيتها ورأفتها وحنانها المفرط وجمال قلبها
حتى .. للمفترض .. أن يكونوا اعداء لها ..
سلم نبضك وقلبك ..

إعجابي الشديد ..