جيتني تضحك علي بكلمتين=شايل ٍ عمرك تبي خاطر رضاي
انت ماتسوى عشانك دمعتين=كل هذا الحب وتشك بهواي
خل وفايا ابعيد لاتسولف حزين=انت آخر من يسولف عن وفاي
قل متى اهملت لهمومك حنين=وبالغلا مايوم قصّرت بغلاي
حط عيوني بنظرتك وأرفع جبين=لو لها ذمه تذكر لي خطاي
هذي تاليها تشمّت لي سنين=وعند من يسوى ومايسوى عطاي
وش جنت روحي وسوّت هاليدين=فوق ماضحيت ألقى ذا جزاي
وين أودّي وجه هالشوق الدفين=وش يقول القلب لابله بكاي
كنت لي شوفي ولاغيرك بعين=وكنت لك بسمه تكتبها شفاي
الغبي حظي جابك لي ظنين=وإلاّ مثلك ماوراه إلاّ شقاي
عين وصابتنا وأسقتني ونين=وصرت أدوّر موت يكفيني عزاي
لاتحسّف روح وفّر كلمتين=خلها بنفسك ولاتعتب رضاي