رد : بانتظاركْ .. !!
بانتظارك من سنة ...
جات في زحمة سنين
أول أوهامي سنا ..
وآخر أيامي حنينْ ..!
0
0
تعرفينْ ...!؟
قبل أحبك كنت أحس الانتظار أقسى وهم ..!
ويوم حبيتك ..عرفت إن الأهمْ ..
إنك تجين ..
يمكن بعد ( شعرٍ طويل )
يمكن بعد وقتٍ بخيلْ ..
لازم تجين ..!
مرة بليله .. قلت لأمي .. ليه ماتدعين لي ...!
قالت عسى عمرك طويل ...!
( وش فيه لو قضّيت نصه بانتظارك ؟! )
تعرفين إن الأملْ
فا المستحيلْ .. يبقى أملْ مهما حصل
لازم تجين ... لو في التفاتة حلم أو شهقة ظما ...!
لو ينفتح باب السما ...!
بقول جات العشب ينبت في يدي ..
بقول بكرة نبتدي ...!
لامستحيل لامستحيلْ ..
امي .. تقول .. عمرك طويلْ ..!
***
ياساكنة بيت الغياب .. وحافظة شعري البعيدْ ..!
ماني وحيدْ ..!
احيا على حلمي معك لو تحلمينْ ..!
وأضحك بضحكك .. لاتخيلتك بنكتة تضحكين ...!
وافرح كثير ..
لاني تصوَّرتك صغيرة والزمان اللي بقي لي فيك آخرته تجينْ ..!
لو تعرفين ...
ان انتظاري لك طوييييييييلْ
بطول ( عمر الياسمين ) ..!
اخر تعديل كان بواسطة » إبراهيم الوافي في يوم » 23-10-2008 عند الساعة » 17:17.
|