|
كـيـف أعــاني ؟
هي كذا
يــ أللي ســئـلـتي عن شـعـوري
أكـتـبـك ؟
ماهو ضروري
ظـلم يغتاب الطهاره هاجس (ن) يرضي غروري
يا أطهر ذنوبي مع اني
من عرفتك و احتويتك
استغليت الظروف
وما اقترفتك
# # #
من عرفتك
كانت الفرقى و كنتي
شامخه
في عاجي احلامي سكنتي
الوله كله لك انتي
و ما لقيتك
# # #
من هويتك
و اجمل احلامي غلاك
العمر ماهو فداك
العمر فدوهـ لحلم(ن) ما تحقق
ايه و الحلم ان تحقق . . صار عادي
و صرت انادي:
مات حلم .. مات حلم .. مات حلم..
عدي اللي بيننا احداث فلم
مسرحيه
لا فصول ولا نهايه
اجمل الحب البدايه
و بيني وبينك حكايتنا حكايه
لو يترجمها قصيدي
اصبح الاعذب جديدي
ظني مفتونك يعاني
كان كل الظن اثم
كيف اعاني ؟
و انتي اجمل ما يصاغ من المعاني
كيف اعاني ؟
امنيه انتي ولا كل الاماني
ايه يا اجمل حلم عشته
اصرخي في القلب : ته .. ته .. ته
و لو يتوه القلب فدوهـ
للبدايه / لأجمل الحب / لعيونك
# # #
و الله انك فاتنه يا فاتنه
لكن .. حكايتنا حكايه
لا يجسدها جديدي
لا يخلدها قصيدي
ما يعري الشاعر اكثر من قصيدهـ
موغله في البوح الى حد الجنايه
آآآآآآآهـ يا انتي فاتنه حد الغوايه
و الحكايه بيننا
ما يختزلها شعر و اشواق و معاني
آآآآآآآهـ و اتذكر اغاني
اغاني
تختصر كل السوالف بيننا
و ما تختصرني
تعتصر فيني الالم
ترقص له جروحي / يغني
لين احس ان الحزين من الاغاني
كان مكتوب(ن) عشاني
و اشعر اني طفل من صلب الانين اللي ملى الدنيا
و لكن بـــــ التبني
بس انا و ان كنت اعاني من تباريح الاغاني
ما اشوفك غير تذكار و تهاني
و انك اجمل حلم عشته و احتواني
يا عساني دوم الاغلى
في خفوق(ن) من هجرني / من هجرته ما نساني
يا اطهر ذنوبي مع اني
من عرفتك و احتويتك
استغليت الظروف و ما اقترفتك
امتطيت اعذب كلام و ما كتبتك
عذري انك فاتنه يا فاتنه
# # #
ادري اني
مع حروفي و كل عشاق القصيد صرت اناني
مع خيالي و دمي اللي في الوريد صرت اناني
ايه اناني/ ايه اناني / و ايه اغار
و لجل ابرهن غيرتي و اثبت غلاك
ما اقترفاك . .
لا
و لا حتى كتبتك
المشاعر جت كذا
و الشعر يمكن لو كتبته
ما يعبر عن شعوري
لا و لا يرضي غروري
هي كذا يا فاتنه و الغايهـ اني
الجم الشوق من يامن شعور القوافي
...................... احبس الدمع لا تلقى العـواذل دليل
اتعب الخوف ما كن الخوافي خوافي
...................... نعـنـبـو الحب كان العاقبه للذليل
ادمي الشوك و اقدام الرجاوي حوافي
....................... لا ثناني الفراق ولا فــ بالي بدليل
بس مدري تجي شيمه على كيف وافي
........................ او تحــول الليالي بين خل و خليل
|