إنت بس قلّي أحبك
تدري إنّك لانثرتْ الليل وامطار الهَقاوي=أنتثر كلّي في كلّك واتحرّا راحتينِك
أكتب لْـ عينك حكايا واتجسّد بـ الْحكاوي=واتخبّى في الدّفاتر قصّةٍ تسْألك وينك؟
أسكن بـ وجه المرايا واتلهّف للخطاوي=والثمك وجهٍ طفولي لو تِناظرها بـ عينك
تدري احساسي بدونك باردٍ موحشْ خلاوي=وانْ قلبي مِثل صحرا تنتظر ماطر حنينك
كلها خطوات خَجْلى لِعْنُبو هاكْ الرجاوي=يِحتريها دربْ ظامي بين خطواتي وبينك
أرتِمي كلّي بـ قلبك كان تِزْهَمْني وناوي=وارمي احساس التّردد واتمدّدْ في يِدينك
إنت بسْ قِلّي [ احبك ] واكسِرْ احساس الحياوي=وَقْتَها عاتِبْ كُفوفٍ ماارْتِمَتْ في راحتينك
نُشرت في الصحافة ..( في السابعة صباحاً في الراي) منذ سنتين تقريباً
وآخر بيتين انتشرا في الجوال و النت بشكل كبير على هيئة مسجات