تحبينه ؟! ( يقولونه ) وأنا اقول الغلا مدرار=سقا في قلبي زهور الخزامى .. مع نواويره
احبه لو يقول الحاسد اللي ما قرا الاذكار=تحبه والهوى أعمى و ممعن في تدابيره
ترا والله لولا الشمس ماهي من لهيب النار=جهلنا قيمة الفيّه .. و ظل ٍ يطرد الحيره
وفي ظل الزمان اللي يدور و طبعه الغدّار =و كفٍ ما تجود الا .. بهمٍ يشعل الغيره
اقوله يوم عذّال الهوى لي تنقل الاخبار=احبه لو يلوموني .. عسى تالي الغلا خيره
آمانه من آمان الله .. تلوذ بقربه الأزهار =يذكْرني شذى عطر الزهور شلون تأثيره
كثير اللي نسى حزنه وراح يسفّه التذكار =وآنا كلي وفــا للي كتبته فالورق سيرة
النجديه ..
الشاعره التي لا تستطيع الذائقة ان تمر على نصوصك دون تقف طويلا وتقرا احرفك اكثر من مره ..
هنا نص شاعري واكثر من رائع ويحفز على الكتابه ..
اتمنى ان لا اكون فوت الفرصه على نفسي بهكذا نصوص وهكذا جمال ..
صح لسانك اختي ودمتي مبدعه دائما وصاحبة قلم عذب وحرف صادق يجبر على التصفيق ..
لكي كل الود والتقدير اختي الفاضله .