.
صباحكم سرور
ومساؤكم حبور
خطوة اولى نحوكم .. واعذروني من القصور ..
يوم غبتي !!
.
.
.
في إنتباه .. الحلم ..
فـي رف الأماني ..
برزخي الثاني .. مكاني
في الثواني .. وفي جيب العباة..
جيت أباكتب لك .. أغاني ..
للأماني ..
للأسير اللي .. يعاني
للمحاني .. اللي سكنتيها ..معاه
للمعاني اللي تبين .. و للشفاه
جيت اباكتب ..
ماكتبت !!
.
ارتعد حبل القصيد و..
وتلني حزن المعاني .. وارتكبت ..
(دمعتين ..) و.. طال .. بي برد الشفاه
آه .. يابرد الحياة ..
يوم غبتي ..
.
يوم غبتي !!
كن ماغبتي أبد ..
يوم غبتي !! صرتي حل بالبلد
صرتي أعمار الثواني ..
صرتي اســتار المحاني ..
صرتي اوراق .. السنين
صرتي في قلبي .. صلاة
صرتي السهو الثمين ..
صرتي الوقت وبطاه ..
صرتي السر المبين
يوم غبتي ..
.
.. يوم غبتي
طار .. من كفي عمر
وطاح في كفي .. وصاة
درب .. وعيون.. وعصاة ..
وخاتم ..وسترة نجاة ..
وابحرت فيني.. سنين ..
وانعمى .. بعدك سجين
يوم غبتي وش بلاه..
وش بلا .. هالوقت عيا لايمر
وش بلا ..هالقلب عيا.. لايقر ..
يوم غبتي!! قطع حبال المراسي .. بالسفين و..
ابحر بملح الجفون
ينزف أحساسي ..
وأنفاسي ..انين ..و..
تعرفين ..؟؟
.
تعرفين .؟؟
يوم غبتي !! غابت الدنيا معك ..
ويوم جيتي ..ما مع عيونك عيون ..
إيه ..جيتي .. وبتجين!!
في مراجيح الهواء .. انفاس .
في خراميس العصب .. إحساس
في صناديق الغضب .. ألماس
مع الأرق..
مع الورق ..
في وجيه الناس ..
.
ايه جيتي .. وبتجين..!!
وكل لحظة.. تمطرين
.
ماء .. لكنك ظما
غيم .. لكن ما هما
سيل.. لكنه .. دما
.
ماء .. لكنك سراب
غيث .. لكن في السحاب
ديم .. لكنه غياب
.
إيه .. جيتيني .. فراشة ..
بين كفين .. الطفل ..
يتبع المغزول.. شاشة
في السرآآآب .. اللي أطل ..
طل .. بلله .. برشاشه
وكان للبرد ..إرتعاشة
وارتعش .. وجه الطفل..
وروع الطفل !!.. انكماشه .. و ..شاب !!.
.
.
شاب قلبي في الغياب و.. ذاب
مابه فرح .. بعدك ..
صادق ولا .. كذاب..
مابه اهل واصحاب
غير الغياب .. اللي يسولف ..للغياب و ..
شفتي والناب!!
حتى صرير الباب .. قصايد الغياب
آه .. ياكثر الغياب !!
يوم غبتي ..!!
.
يوم غبتي ..!!
وش بقى ما ..غاب؟!!....
محمد الزبدة