[ناصر الفراعنة]

بسم الله الرحمن الرحيم

السلام عليكم ورحمة الله وبركاته

هذه القصيدة الحقيقة صار لي موقف نبيل مع الشيخ خليفة بن زايد رئيس دولة الامرات
كنت اعايد الشيخ خليفة طبعا السالفه حصلت العام كنت اعايده انا ماكنت ادري ان السراء يتحركـ وقعدت أسولف مع واحد وراي فجأة لقيت الشيخ خليفة قدامي

في هاالحظة تبرطمت مدري وش اقول وأسمع أخوي تركي وراي يقول سلّم على الشيخ زي العرب

عقب السالفه هذي ارسلت له بيتين فقط ثاني يوم باالضبط لين جايني فاكس من مكتب الشيخ

فقلت فيه قصيدة الفية

ألف أولف أيها الربـع مـن بعـد المسـاء && عـم مسـاءً كيفمـا أيهـا الربـع تشـاء
كلنا ياربـع تحـت رحـى الدهـرِ سـواء&&هل هنا من يمنـع الدهـر إن دارت رحـاه
با بألف واربع ميـة وقـد عـزّ الجـواب&&من شهر عاشر ثلاثيـن عـامٍ بالحسـاب
بعد تسبيعي مـع السبـع مـن امّ الكتـاب&&افترع مافي حشا الصدر يقرع لـي عصـاه
تا تواريـخٍ مـع الدهـر تأبـى أن تمـوت&&سوف تبدو عن قريبٍ وان طـال السكـوت
من تلاع الشام حتى صحـاري حضرمـوت&&تسري الركبان بالعلـم لـو فوقـه حصـاه
ثا ثرا المـرء بالجـود والخلـق الدمـاث&&لا بجمع المـال ومغـالث الدنيـا غـلاث
حالفٍ خمسة عشر حلـف ومطلّـق ثـلاث&& لـن ينـال المجـد إلا فتـىً شابـه أبـاه
جيم جلّـو خلـو المجـد للأعظـم حَجَـا&&حاكمٍ مصباح وجهه فتـق صـدر الدجـى
إيه ابـن زايـد خليفـه ونعـم الملتجـا&&لاوطانا الوقت كلـن نقـل خرجـه وجـاه
حا حرام إني فلا شفت بالمعنـى الصريـح&&بالكرم من يشبهه كـان تبغـون الصحيـح
هيبة اسمه قدمهـا باقـي الأسمـا تطيـح&&لو يقولـون البحـر جـف ماجفـت يـداه
خا خطب كفّ المراجل وهو بنت الشيـوخ&&شوقها الكاسي جسدها بخير الجوخ جـوخ
فالاسام الخالـده مـن جـدام ارضٍ تنـوخ&&خلّد اسمـه ليـن قامـت تناقلـه الـرواه
دال ديـمٍ لـو إرم فـي يـده ذات العمـاد&&وجيت ومـرادك يهبلـك ارم ثـم المـراد
إنه الشيخ الغـذي مـن كـرم كفّـه يكـاد&&أن يجود بمـاء عينـه بيـومٍ شـح مـاه
ذال ذروة مجـد فـي فيّهـا يلقـى المـلاذ&&واحدٍ بالله مـن سطـوة الوقـت استعـاذ
فيه من فطنة الياسٍ ومـن حكمـة معـاذ&&كاملٍ سبحان مـن صـوره غيـر وعطـاه
را رحوم لاتبسـم بـدت شمـس النهـار&&وإن زعل قام يتقادح حجـر عينـه شـرار
حلو مر خير شر سـر ضـر جنـه ونـار&&فيه من عنتر قدومه ومـن حاتـم سخـاه
زا زُلال المـزن مـع جرتـه نـوّه نــزا&&أجـود الأجـواد مـداً وأحسنهـم جــزا
ابن زايـد عـزّ مـن لالقـى عـزّ وعـزا&&واحدٍ فالنـاس ماجـاه مـن يجبـر عـزاه
سين ساداتٍ تسلسـل نسبهـم راس راس&&في بني ياس ابن عامر هم الركن الاسـاس
أشـرف الأمـه مقامـاً وأطهرهـا لبـاس&&حيوا ابو مجنا الفلاحي ليـا طـش العبـاه
شين شيخ معه من حيـث ماشفتـه مشـى&&تمشي الارزاق بأمـرٍ مـن الله يـوم شـا
أبلجٍ وجهـه غشـا الارض منـه ماغشـا&&حاكـمٍ مشعـل جبينـه يسرينـا سـنـاه
صـاد صنديـدٍ لهمتـه ينشـق الحـصـا&&كم محالٍ صار مـن همتـه حذفـة عصـا
حاتمـي لانصـا بـاب بيتـه مـن نصـا&&نال مطلوبـه قبـل يدهـن الفنجـال فـاه
ضاد ضلعٍ ربّعـوا فـي ذراه اهـل النضـا&&قبلة مـن وادي الـراك الـى واد الغضـا
أبك حتى الطيـر ينصـاه لاضـاق الفضـا&&يم ابن زايد كفخ بأشقـر الريـش ونصـاه
طا طويل الشوح بالطيـب دل مـن القطـا&&نادرٍ من خير من قد وطـى فـوق الوطـا
يدمـح الزلـه ثلاثـاً ولا يرضـى الخطـا&&بالعطا كم من كريمٍ عجـز يلحـق عطـاه
عيـن عرنيـن الشمـم لاتحـزم ماهـزع&&كم على جسرٍ من الموت مع شعبـه فـزع
وان رمته سهـوم بقعـا تصبّـر ماجـزع&&يـوم غيـره لاوجـع دنّـهـا واويلـتـاه
غين غيثٍ في عطا الكـفّ ليـثٍ فالوغـا&&كم لهيبة وقفتـه مـن جمـل قـومٍ رغـا
تعينـه سبـع الاراضـي لرايـح لابـغـى&&ايه ابـن زايـد خليفـه ومـن دوّر لقـاه
فا فريد زاد طيبـه شـرف يعـرب شـرف&&ستره الضافي من اقصى طرف لاقصى طرف
ماغفا عن حال شعبه ولو غمضـة طـرف&&كمـل اللـي شيـده زايـد الخيـر وبنـاه
قاف قاد الشعب حتى تعلّـوا فـوق فـوق&&ولين خلّى ديرتـه مبتغـى كـل مخلـوق
ديرةٍ يزداد منهـا صريـع الشـوق شـوق&&كم لقى عابـر سبيـلٍ بهـا غايـة منـاه
كاف كم اغنى فقيـر مـن الحاجـه بكـى&&وكم رفا خمل الضعيف من الوقـت اشتكـى
وكم لصعبـات المهمـات وقـف وارتكـى&&مع كثـر مانكتبـه فيـه مانلحـق جـزاه
لام لام الله مـن لامنـي فـي مـا اقـول&&ماذكـرت الا الحقيقـه وتثبتهـا الفعـول
شاعرٍ عديت مـا شفـت والدنيـا رحـول&&لم ولن يبقى سوى الذكر لم يبقـى سـواه
ميـم ماجيـت اتزلـف واكبـر فالعـلـوم&&محشومٍ ياقصيـدي مـن الميـل محشـوم
لي ثلاث ايام واكثر ماغير اجلـس واقـوم&&ليـن دندنـت القوافـي وصليـت الصـلاه
نون نجمي فوق باعلى السما ماهـوب دون&&باقي مع ما يروحون او مـع مـا يجـون
لست مـن قـومٍ يقولـون مـالا يفعلـون&&لا ولا ممـن جعلـه الـه مــن هــواه
هـا هنـا مايبتديـه السبيعـي ينتهـيـه&&تمت القيفان والعذر مـن بيـض الوجيـه
عنـد شيـخ ماتقـوم الثقـال الا علـيـه&&عند ابـن زايـد خليفـه اطـال الله بقـاه
واو والحمـد لمـن امـره فيـنـا ســوا&&المجلي الليل بالصبـح والمجـري الهـوا
جل من نادى ابن عمران فـي وادي طـوى&&الإلـه الحـق سبحـانـه نـعـم الإلــه
ياء ياللي تسمعون القصيـد اصغـوا الـي&&اذكـروا الله وصلـوا علـى طـه النبـي
خير حي جـاء مـن ال كعـب بـن لـؤي&&صاحـب القبـر اللـذي عطـر الله ثـراه

وسلامتكم ياالربع