ان جيت اوطَن غربتي واكسب احبـاب=عن لـوم عـاذل هـد حيلـي وحيلـه
تعيـث فـي روحـي سواليـف غيَـاب=تبكـي وانـا ابكيهـا الليـال الجميلـه
اغرق غلا واسمع لهم همـس واعتـاب=والمـس وفـا واشـوف انا ام الجديـلـه
تركض وانا اركض لين صدر الهوا شاب=ولا عـاد يقـوا للحـمـول الثقيـلـه
نوح النوافذ من رحل نورالاحباب=مثل الاغاني للقلوب العليله
مال المحاسن روح وان قل الاعجاب=في كل من حولي رضيت بقليله
جمر الجفا قلبي على ساحله ذاب= ليت المطر يرجع ويطفيه سيله
العمر ظلما واودية حزن واشعاب= والساري الملهوف ضيع دليله
هذا الزمـن يـا سيـدي حيـل كـذاب=يا مـا فـرش لاحـلام روحـي شليلـه
لا نافـذه للـبـال لاحـلـم لا بــاب=لا خـل وافـي لا مشـاعـر نبيـلـه
وان جيت اسافر واختلق عذر واسبـاب=الحـب الاول كيـف ابالقى بديـلـه