[خالد العروي]

يااااهً ويااااه ويااااه ياااايه ويااا يااااه=أوّوّه على أوّوّه ثم أوّوّه على أوّوّه
بي جرح لا ما يستريـح بحنايـاه=إلا إذا جريـت أهااااااتـي بـقـوّه
مبطي وأنا أداريه واتكسّب رضـاه=عساه يطفي كل مـا شـب ضـوّه
لني بغيت أغفـل عنـه واتناسـاه=يضج فـي قلبـي ويفقـد هـدوّه
حاولت اهدي فيه بالطيب والجـاه=يحجنـي بالقـول لـنـه مـفـوّه
عند البشر أخـاف تظهـر نوايـاه=أحـاول ازرع فيـه روح الأخـوّه
يامر على قلبـي بكيفـه وينهـاه=مره صديقـاً لـه ومـره عـدوّه
أعاملـه بالطيـب ثـم أتـحـداه=ما فـاد طيـب ولا تفيـد الفتـوّه
يامـا ترجيتـه ولا فـاد رجـواه=قليـل أصـل ولا براسـه مـروّه
وش السواه إن كان هذي سويـاه=ما غير قلـت اللـي تسوّيـه سـوّه
روّح عساك بهفة مقيـط ورشـاه=يغيب نوك مثـل مـا غـاب نـوّه
يا جرح وقف لك بقايا مناجاه=حالي تكدر واختلف حيل جَوّه
أبي أستميحك عـذر ياجـرح بالله=خلك بقلبي لجـل صاحبـك تـوّه
يطري الوداع وحد قلبي على اقصاه=وأقـول خلـك ذكريـات لسمـوّه
خلك مكانه واتصـف فـي مزيـاه=واشمخ شموخه وأعتلي من علوّه
الصاحب اللي كل ما حـل طريـاه=أقـول ياليتـه عسـاه ويـالـوّه
يعش طول العمـر يسعـد بدنيـاه=وانـا يخليـنـي لأآآآهٍ وأووّه
ياجرح شوف القلب عايش بمضماه=تكفى يا جرحي كل مـا جـاك روّه