عشقتك مثل مايعشق طفل حضن امه الدافي = عشقتك مثل ماتعشق عصافير الشجر تغريد
انا لك من مجاميعي عطيتك قلبي الوافي = وسلّمتك مفاتيح الفؤاد وسوّبه ماتريد
ابيك اتعيش في وسط الخفوق وتكشف الخافي = تشوف ان المحبه لجل عينك كل يوم إتزيد
طلبتك لاتفارقني ترى ماصارلي كافي = حرام إتغيب عن عين (ن ) سهرها دايماً تنكيد
انا من غبت عن عيني ونومي للجفن جافي = اطبق في خفارات السهر واعيدها تجديد
كفاك إغياب ياخلِّي ترى حبي لكم صافي = انا قلبي تحمّل مايكفِّي ماحتمل تمديد
وأنا من كثر ماتكّي بكوعي تعبت اكتافي =اعدد في نجومن بالسماء واعيدها تعديد
عليك الله لو تاتي ركوبه لاتيك حافي = وامدّ اخطاي في وصلك ولو حطوا برجلي قيد
يغيب الشعر بغيابك وٍِلا شفتك رجع لافي= تغنيلي بحور الشعر بحضورك لحن ترديد
قصيدي يتبع انفاسك واشمّه في صدر قافي = يفوح إبهاجسي عطر القصيد وينتشي تمجيد
الشاعر // سليمان الخضراني التاريخ 1/2/1431